عدى عمّر ,| فهد مساعد

عَدّى عُمرْ .. يَاليتْ الأعمَارْ " تِنعـَاد " !
وَ أرْجـعْ بَلا شيبْ وَ بَليـّا تجَاعيد



أرجَع وَ اضمْ [ أبوي ] وأقول : لا عَاد !
تمُوت وَ تترِكني مثل " ليلة العيد " !



يُـوم أسلـوا عنك الصبايـا وَ الأولاد
وَقلْت : أمِّي تقول إنَـہ مسَافر بعيــد




بكِيـت لِيلتهَا وَ نادِيتْ .. " مَا فــادْ ..!!
وَ ظلّيـت أصوِّت لِكْ , وَ أنـَاديكْ وَ أعِيد



عَوِّد يَا أبُوي وجب لي ثيابْ جدَاد !
يَا كثر مَا تنسَى يَا أبُويْ المُوَاعِيــد !



بكيتك لحَالي وَ أنـا كنـت { معتـادْ ..!
تكفْ دَمعِي بـِ / إيدْ وَ تضمني بـِ / إيد



كَمْ كنت محتاجِك تِجي كنـِّك رِقـاد ..
تِمطرْ من كـفوفك " صَلاة وَعناقيد "



إحتجت لك طِفل كسر قلْب الأعياد !
وَ إحتجت لك طيش وَ شباب وتناهيد



و إحتجت لك شَاعر لـہ أحباب و أضْدَاد
وَ إحتجت لك رَجّال يِخشى المناقيد



احتجت لِكْ وَ أحتاج لك ظلْ وَ سنادْ !
العُمرْ ينقـص وَ إحتيَاجي لِكْ " يزِيدْ " ..






لـ التحميل








اضغط هنا للتحميل