اليا جهلت انشد ترى مابها عيب // للشاعر رشيد الزلامي

السلام عليكم ورحمة الله وبركاته

____________________

اليا جهلت انشد ترى مابها عيب

لا تنخدع للجهل وانت السبايـب

عيب الفتى مافيه شكٍ ولا ريــب

ترك الفروض وقطع وصل القرايب

والعيب ترك ملازمات المواجيب

وتبع الردى ومجالسة كل خايب

فالتجربة برهان مافيه تكذيــب

واليا جهلت انشد من القوم شايب

ولا قول يوجد شايبٍ يعلم الغيب

الغيب يعلم به مدير الهبايــب

لاشك يوجد شايبٍ له تجاريــب

ومن الدهر شاف الفكر والعجايب

بيض النواصي جبهته كلها شيب

من كثر ما مرت علية المصايب

قد صارع الدنيا على الخبث والطيب

فالغوص وإلا فوق روس النجايـب

» ثوري معي يا عاشقه في وجه ظالم واعدلي // للشاعر عبدالله بن علوش